Ptolemy, Quadripartitum (tr. Hernán Núñez de Guzmán)

Madrid, UC-AHU, cod. 122 · 142r

 … Loading: Madrid, UC-AHU, cod. 122 · 142r …

quo ad personas in aetate iuvenili constitutas, quoniam in triangularibus adinvicem signis habent altitudines. Cum Saturno vero quo ad personas provectioris seniorisque aetatis, quoniam in triangularibus adinvicem signis domicilia ambo sunt adepti. Qua ex re Venus quidem cum Marte amatorios affectus operatur, quod si Mercurius affuerit eos affectus facit propalari; in signis autem promiscuius sive utrique eorum familiaribus ut in Capricorno aut Piscibus, fratrum aut cognatorum facit coniunctiones. Et si in viris Luna affuerit, cum duabus sororibus aut consangui eis facit commisceri et si vero in mulieribus Iupiter affuerit, duobus eas fratribus aut consanguineis coniunget.