Ptolemy, Quadripartitum (tr. Hernán Núñez de Guzmán)

Madrid, UC-AHU, cod. 122 · 154v

 … Loading: Madrid, UC-AHU, cod. 122 · 154v …

Temporum igitur idiotropiae quae secundum communem et universalem naturae rationem inspiciuntur ad hunc modum sint designatae; particularium vero \ idiotropias / que secundum proprias cuiusque genituras summi debent, secundum id quod presuppositum est ac perfectius a precipuis aphesibus capiemus, ab omnibus quidem \ et / non ab una sicut in temporibus vite faciebamus. Sed aphesim quidem ab horoscopo ad accidentia corporalia et peregrinationes capiemus, a parte autem fortunae ad ea, que ad divitias pertinent, a Luna ad animae passiones et coniugia, a Sole ad ea, que ad dignitatem ac honorem spectant, a medio vero celi ad reliqua et particularia vitae exercitia, ut actiones, amicitias, liberorum procreationes. Sic enim in iisdem temporibus non unus erit beneficus aut maleficus illorum dominator, cum multa, \ accidentia / iisdem temporibus contraria ut plurimum eveniunt \ soleant evenire /, ut quando quis personam domesticam amittens hereditatem acceperit, aut eodem tempore morbo affectus in lectulo decubuerit corr. ex decumbat et dignitatem aliquam aut utilitatem assequttur \ fuerit adeptus /, aut infeliciter se habens filiorum pater efficietur, et quecunque talia conserverunt evenire.